д она што можемве да го забележиме на терен од 50 до 100 денари е намалена цената на одредени видови кашкавал, слична е бројката и кај месото и останатите млечни производи. Мерките со кој треба да се стави ред на високите цени и ќе важат до крајот на април годинава, министерката за финансии Гордана Димитриеска Кочоска вели се краткорочни и нема да дадат трајни ефекти, стратегијата, според неа, треба да биде малку поопширна. Наместо да јадеме туѓо производство а нашето да го извезуваме, Кочоска вели треба да се посветиме на долгорошни решенија.
„Ние треба да бараме решение на долг рок, долгиот рок не е овие ад хок мерки за замрзнување на цените. Долгиот рок е буквално една нова стратегија како треба да функционира македонската економија и таа почнува од начинот на субвенционирање на земјоделството, потикнување на поголемо производство на храна во земјава, поголема конкуренција од страна на домашните производи. “-изјави Гордана Димитриеска Кочоска – министерка за финансии .
И од Сојузот на стопански комори, очекуваат решенија со долгорочен ефект. Според првиот човек на ССК, секое ограничување вели има одредени реперкусии.
„Како економска политика сметаме дека секое ограничување ќе има одредени реперкусии во одредена сфера ние пред одредено време пуштивме одредена анализа каде што дадовме одредена сликовита презентација врз основа на податоци од Централен регистар…каде што балансот на профитити не е само кај маркетите. Треба да бидеме внимателни тоа е еден цел ланец… “-Трајан Ангеловски – ССК.
И додека пазарните инспектори се на терен и вршат конторла дали се почитуваат владините одлуки, Комисијата за заштита на конкуренција постапувајќи по Законот за забрана на нефер трговски практики, по половина година од стапувањето на сила на законот, утврдила картелско здружување кај неколку ланци на маркети за што е поведена прекршочна постапка.
„Контролираните субјекти спротивно на Законот за заштита на конкуренцијата донеле забранета одлука односно се договориле дека ќе делуваат усогласено и нема да набавуваат стоки од добавувачи кои ќе достават нови ценовници.“ – КЗК.
Токму законот за нефер практики се очекуваше да стави ред со високите цени.
