Прилепската општа болница го зајакнува својот стручен кадар со ново засилување во кардиолошкиот тим. Од денес, д-р Афродита Аџиоска, специјалист по кардиологија со меѓународно искуство, официјално се приклучува на Интерното одделение при ЈЗУ Општа болница со проширена дејност Прилеп.
Д-р Аџиоска своето професионално искуство го има стекнато во Софија, Република Бугарија, како и преку 2,5-годишна пракса во Германија. Нејзината експертиза опфаќа дијагностика, следење и третман на широк спектар кардиолошки состојби, со што претставува значајно унапредување на квалитетот на здравствените услуги за пациентите.
Медицинското образование го завршила на Медицинскиот универзитет во Софија, додека специјализацијата по кардиологија ја реализирала во Националната кардиолошка болница.
Со нејзиното приклучување, д-р Аџиоска е втор медицински кадар кој по стекнато искуство во земјите од Европската Унија се враќа и се вклучува во тимот на прилепската болница. Овој тренд претставува позитивен сигнал за јакнење на домашниот здравствен систем и подобрување на здравствената грижа за граѓаните.
Општа Болница Прилеп
