Околу 200.000 активни возачки дозволи се се уште со старото уставно име, изјави денеска министерот за внатрешни работи, Панче Тошковски на прес-конференција. Според него, МВР во изминатиот период ги обезбеди потребни услови за да им овозможи на граѓаните достоинствен пристап до институцијата и да им ги овозможи потребните образци.
Тошковски се пофали и со новата машина која што ќе произведува возачки дозволи и лични карти. Тврди дека сега на дневна основа може да се произведуваат околу 12.000 возачки дозволи. Тошковски вели дека во МВР се спремни за помалку од 20 дена да ги издадат сите возачки дозволи доколку граѓаните поднесат барање. Истакнува дека му е драго што нема повеќе гужви пред шалтерите на МВР, во споредба со претходниот период во време на техничката влада.
Прекршочен платен налог и парична казна во износ од 100 евра ќе добие возачот кој при барање на полициски службеник, нема да приложи важечка возачка дозвола, предвдува Законот за безбедност на сообраќајот на патиштата. Возачките дозволи со старото име на државата „Република Македонија“, нема да важат после 31.12.2024 година, па затоа МВР во изминатиот период активно апелираше истите да се заменат со нови, односно називот кој ќе стои на нив да биде „Република Северна Македонија“.
