Општина Битола продолжува да инвестира во подобрување на условите во oпштинските училишта. Денес секретарот на Општина Битола Борче Димитровски, заедно со директорката на СОЕУ „Јане Сандански“, Билјана Јанкуловска, извршија увид во реализираните проекти со финансиски средства издвоени од буџетот на Општина Битола.
Се работело или се работи на реконструкција на училници во подрумскиот простор, опремување на училниците со школски клупи и столчиња, мебел за кабинети и опремување на центарот за професионален развој и обука. Вкупната вредност на реализираните средства е во износ од 1.722.600,00 денари.
