Општина Битола ги повикува сите фудбалски фанови да присуствуваат на денешниот меч на младата фудбалската репрезентација на Македонија против Ерменија, по само еден месец на стадионот “Петар Милошевски”, Битола повторно ќе биде домаќин на голем фудбалски натпревар по премиерниот меч против младата селекција на Италија до 21 година.
Фудбалската репрезентација на Македонија до 21 година, ќе ги пречека врсниците од Ерменија.
Натпреварот се игра денес со почеток во 17:00 часот, во рамките на 3. коло од квалификациите за пласман на европското првенство во 2027 година.
Откако стадионот “Петар Милошевски” ја помина инспекцијата на Европската фудбалска унија (УЕФА) и доби лиценца за втора категорија, се здоби со можност да биде домаќин на големи фудбалски натпревари.
Цената на билетот изнесува 200,00 денари и билети за натпреварот можат сите да се набават по електро ски пат на страницата на ФФМ, на следниот линк:
https://eticket.ffm.mk/cart/
Ве повикуваме заедно да го поддржиме македонскиот фудбалски тим и да испишуваме нови фудбалски истории.
Стои во објавата на официјалната страна на Општина Битола пред денешниот меѓународен натпревар кој ќе се одигра во Битола.
