Општина Битола денеска го заврши инфраструктурниот проект со која ја асфалтира главната сообраќајна артерија што ги поврзува улиците во селото Крклино со манастирот Св. Илија.
Од секторот за односи со јавност соопштија дека асфалтирани се улици низ селото во должина од 480 метри, а увид на терен извршиле заменик градоначалникот на Општина Битола Бојан Бојкоски и секретарот на општината, Борче Димитровски.
Во селото Крклино, локалната самоуправа изврши реконструкција и на дел од водоводната мрежа со нови приклучоци. За реализација на овој проект се издвоени 3 милиони денари од буџетот на Општина Битола.
Фото: Општина Битола
