Општина Новаци продолжува со континуирана реализација на инфраструктурни проекти насочени кон подобрување на животниот стандард на граѓаните. Со завршувањето на темелната реконструкција на уште една улица, жителите добиваат поквалитетни услови за секојдневно функционирање, поголема безбедност и визуелно поубаво уредено урбано опкружување.
„Со ваквите активности не само што овозможуваме подобро поврзување и олеснет сообраќај, туку испраќаме јасна порака дека продолжуваме посветено да работиме на унапредување на целокупната инфраструктура во општината“, истакна градоначалникот Стевче Стевановски.
Реконструкцијата опфати ново асфалтирање, санација на подлогата и техничко прилагодување за подобро одведување на атмосферските води. Проектот е дел од пошироката стратегија за современо и функционално урбано уредување на населените места во Новаци.
Општината најавува дека со несмалено темпо ќе продолжи да инвестира во инфраструктура која ќе ги подобри условите за живот, ќе ја зголеми безбедноста и ќе придонесе за поубав изглед на локалните средини.
