Во пресрет на големиот христијански празник посветен на Света Петка, во село Живојно, општина Новаци, беа спроведени активности за подобрување на инфраструктурата и условите околу црквата. Во координација со месното население, деновиве се работеше на оспособување на пристапниот пат и поставување на ново осветлување во околината на верскиот објект.
Со овие зафати се обезбедува значително подобрено движење, поголема безбедност за верниците и поубав амбиент за достојно чествување на празникот. Посебен акцент беше ставен на функционалноста и естетиката на просторот, со цел создавање на пријатна и свечена атмосфера.
Градоначалникот на општина Новаци, Стевче Стевановски, упати благодарност до сите кои се вклучија во реализацијата на овие активности, покажувајќи уште еднаш колку е значајна заедничката посветеност кога станува збор за верските традиции и зачувување на духовното наследство.
„Нека е за многу години Св. Петка!“, порача Стевановски.
