Првата група евакуирани македонски државјани од Израел, меѓу кои се и четири деца, веќе лета кон Скопје со владиниот авион. Се очекува вечерва тие да пристигнат на скопскиот аеродром откако утрово ја напуштија израелската територија и се упатија кон Египет со организиран конвој.
ТЕЛОП МИНИСТЕРСТВО ЗА НАДВОРЕШНИ РАБОТИ
ПРВАТА ГРУПА МАКЕДОНСКИ ДРЖАВЈАНИ УТРОВО, КАКО ДЕЛ ОД ПОГОЛЕМ КОНВОЈ, ГО НАПУШТИ ТЕЛ АВИВ И СЕ УПАТИ КОН ГРАНИЦАТА СО ЕГИПЕТ. ОД ТАМУ, БЕА ПРЕЗЕМЕНИ СО ВОЗИЛО И ТРАНСПОРТИРАНИ КОН ШАРМ ЕЛ ШЕИК, ОД КАДЕ ПО ВОЗДУШЕН ПАТ, СО АВИОН ВО СОПСТВЕНОСТ НА ВЛАДАТА, ЌЕ БИДАТ ТРАНСПОРТИРАНИ НА ТЕРИТОРИЈАТА НА НАШАТА ДРЖАВА.
Во Израел останува македонскиот дипломатски персонал откако вчера министерот Муцунски информираше дека нивна евакуација засега не се планира. Од македонската амбасада во Израел кратко за ТВ24 рекоа дека се добро.
ТЕЛОП Македонска амбасада во Израел
Само можеме да потврдиме дека сме добри. Остануваме во Тел Авив како и другите дипломати.
Како што информираше министерот Муцунски, преостанатите 20 македонски државјани кои побараа евакуација, по сопствено барање, остануваат во Израел. Тие не сакале да бидат евакуирани преку трети земји односно Египет, што МНР засега не може да го организира со оглед на тоа што воздушниот простор над Израел е затворен, потенцираше министерот Муцунски.
