ЈКП „Водовод“ – Битола соопшти дека по пријава од граѓани за настанат дефект на улицата „Широк Сокак“, нивните екипи навремено интервенирале и истиот е успешно отстранет.
Од претпријатието информираат дека во текот на утрешниот ден плочникот ќе биде вратен во првобитната состојба, онака како што бил пред настанувањето на дефектот.
Иако дефектот не бил предизвикан од ЈКП „Водовод“ – Битола, од таму упатуваат извинување до граѓаните за непријатностите и им се заблагодаруваат за разбирањето и трпението.
Фото: ЈКП „Водовод“ – Битола
