Денес ФК Пелистер го слави својот голем јубилеј со пријателски натпревар против романскиот Динамо Букурешт, притоа денес во Општина Битола градоначалникот Тони Коњановски на официјален прием ги пречека, претставниците на фудбалскиот клуб Динамо Букурешт во состав:
Андреј Николеску (претседател), Козмин Михалеску (спортски директор), Богдан Алеку (директор за комуникации) и Костир Шолц (претставник на клубот).
Во пријателска и спортска атмосфера разменивме специјални дресови по повод 80 години од основањето на Пелистер.
На гостите од Романија им посакав пријатен престој во нашиот град, натпревар за уживање и многу успеси во нивниот шампионат, – стои во објавата на Општина Битола по средбата со највисоките луѓе на романскиот фудбалски клуб.
Распоред на јубилејот на “зелено-белите” денес за сите фанови од Битола но и од Македонија.
● 15:00 ч. – Музички хепенинг пред стадионот ,,Петар Милошевски”.
● 16:00 ч. – Почеток на Свечената академија во Офицерски Дом.
● 17:30 ч. – Натпревар ФК Пелистер – ФК Динамо Букурешт
За сите оние кои не се во можност да присуствуваат но и живеат насекаде по светот а се големи љубители на зелено-белиот дрес и клубот Пелистер за денешниот јубилеј на Пелистер против Динамо Букурешт, македонскиот национален телевизиски сервис ќе го емитува во живо натпреварот на МТВ3 но и исто така гостите од Романија ќе го пренесуваат во живо на нивниот клупски канал на Јутуб – 48ТВ.
