ОФС Битола претрпе убедлив пораз од 0:7 од велшкиот претставник Тим Рханбартол и Де во натпреварот од УЕФА Купот на регионите.
Велшаните уште во првото полувреме ја најавија високата победа. Џек Џонс во 17. минута и Итан Едвардс во 20. минута донесоа предност од 2:0, а Кејси Кафлин со два гола во 38. и 42. минута го одведе својот тим на убедливи 4:0 на полувремето.
Во вториот дел Кафлин продолжи со одличната голгетерска реализација, постигнувајќи уште два гола во 83. и 90. минута за својот четврти погодок на натпреварот. Претходно, во 79. минута, во листата на стрелци се запиша и Клејтон Фарах за конечни 0:7.
ОФС Битола, предводен од тренерот Васко Бошевски, не успеа да се наметне против физички и резултатски доминантниот велшки состав.
ОФС Битола – Тим Рханбартол и Де 0:7 (0:4)
Стрелци: Џонс 17′, Едвардс 20′, Кафлин 38′, 42′, 83′, 90′, Фарах 79′
ОФС Битола: Александар Балев, Ариф Мерсими, Пепи Трајков, Бојан Кантаровски, Димитар Николовски, Дејан Секуловски, Александар Крстевски, Темур Емини, Иванчо Јовановски, Мики Талевски, Лука Лисолајски. Тренер: Васко Бошевски
ОФС Битола е во Групата 1 од УЕФА Купот на региони, заедно со Тим Рханбартол и Де, Зеница-Добој и Килисија.
