По периодот на брз раст, небанкарските финансиски друштва во Македонија во 2025 година влегоа во фаза на консолидација, професионализација и созревање. Фокусот се префрли од квантитативен раст кон квалитет, со поголем акцент на транспарентност, подобри внатрешни процедури, заштита на потрошувачите и усогласување со европските стандарди.
Како што вели претседателот на Групацијата на небанкарски финансиски друштва при Стопанската комора, Никола Јошевски во интервју за ПАРИ, 2025 година претставува пресвртна точка за секторот.
ПАРИ: Дали 2025 година е поразлична за финансиските друштва од претходните години? Дали имаше напредок?
НИКОЛА ЈОШЕВСКИ: 2025 година претставува пресвртна точка за финансиските друштва – од брз раст кон созревање и консолидација на секторот. По години на раст, акцентот се премести кон квалитет на услугите, зајакнување на интерните контроли, подобрување на етичките стандарди и усогласување со построгите регулаторни барања. Секторот продолжи да се унапредува, особено во делот на дигитализација, транспарентност и корисничко искуство.
Регулативата, вклучително измените од претходните години, засилениот надзор од Министерството за финансии, како и воведувањето на Етичкиот кодекс во јуни 2025, донесоа поголема дисциплина и ред.
Сето ова придонесе за издвојување на посериозните и одговорни играчи, намалување на бројот на друштва (од околу 35 во 2022 на 26 во 2025), зголемена доверба кај јавноста и позиционирање на македонската регулатива меѓу најстрогите во регионот и Европа.
Напредокот е евидентен и тоа преку подобрено управување со ризици, стандардизирани процеси и фокус на одговорно кредитирање без презадолжување.
Целиот текст прочитајте го тука.
Автор: Р.П.
