Во викендот кој е пред нас се игра големото ракометно дерби помеѓу Пелистер и Вардар, а билетите за натпреварот се веќе пуштени во продажба информираа домаќините.
Пелистер претходно соопшти дека средствата собрани од овој натпревар ќе бидат донирани на семејствата на настраданите во трагедијата во Кочани, но денеска додаде и уште неколку важни информации.
„Поради зголемена заинтересираност за натпреварот, и пред сѐ поради тоа што средтсвата од билетите од овој натпревар ќе бидат донирани кон семејствата на жртвите од трагедијата во Кочани, секој (вклучувајќи жени и деца) ќе мора да поседува и да си купи билет.
ВАЖНО: За овој натпревар нема да важат ниту сезонските билети (поради веќе горе наведеното), а ВИП билетите ќе важат само за користење на делот во ВИП ложата со исто такa купен билет за овој натпревар.
Апелираме во сабота (29.03.2025) сите гледачи да дојдат на стадионот порано, со веќе обезбедени билети. Во спротивно клубот не може да гарантира навремен влез на стадионот. Вратите на стадионот се затвораат во 14:30 часот, половина час пред почетокот на дуелот.
Апелираме натпреварот да помине мирно, без извици и пароли на национализам, расизам, и пред сѐ да помине без било какви непотребни и недолични извикувања и однесување поради веќе настанатата трагедија и почит кон жртвите и повредените од трагичниот настан.
Внесување на тврди предмети(запалки, лименки, шишиња, алкохол, оружје итн.) е строго забрането.
Забранет е влез на паркинг со автомобили од страната на тениските игралишта.
На денот на натпреварот распределени и отворени сектори за влез ќе бидат:
Сектори 4,5,6,7,8 – ќе бидат отворени за сите.
Сектор 9 – само за навивачка група Чекмбари.
ВАЖНО:
Картите да се купуваат стриктно од Димпо Тобако со цел да се избегнат малверзации и други слични непријатности“, стои во соопштението од Пелистер.
Ќе потсетиме навивачката група на Вардар, „Комити“ објави дека во знак на почит на загинатите во трагедијата нема да гостуваат на ова дерби.
