Битолски Пелистер победи во второто и третото коло од ПМФЛ, по пауза од десет кола или вкупно 77 дена, повторно се враќа на победничките патеки, славејќи против истиот противник од второто коло со 1:0 екипата на АП Брера.
Ова е прв триумф на ФК Пелистер на стадионот „Петар Милошевски“ во Битола затоа што гореспоменатите натпревари беа на гостински терен и тоа (против АП Брера), а другата (против Шкупи) се случи кога екипата беше домаќин на стадионот во Кавадарци, бидејќи нивниот стадион се реновираше.
Како што во повеќе наврати се виде во последните мечеви, битолскиот тим најчесто создава шанса од прекин на играта или од шутеви и центаршутеви од далечина, па така и овој пат го започнаа натпреварот: првата шанса дојде по центаршут на Мрмачовски, кога Петковски биеше со глава, но преку голот, за подоцна Булатовиќ од работ на теренот и покрај двајца чувари да го пронајде Керим во казнениот простор (меѓу четири противнички играчи) за овој со глава да го постигне водечкиот гол, кој всушност ја одлучи и средбата.
Струничани во првиот дел имаа само еден удар кон голот на Јовчевски, а шутот го упати Нзенге. Истиот играч во вториот дел успеа да ја затресе мрежата на Пелистер, но голот беше поништен поради недозволена позиција. Пелистерци својата иницијатива најмногу ја претвори во освоени удари од аголот, а повеќе играчи се најдоа во полу шанси при вакви ситуации. Дефанзивецот Здравковиќ се закани на два пати кон крајот на првиот дел, додека Стефан Спировски имаше иста шанса, но неговиот удар со глава по корнерот отиде над пречката. До крајот можат да се спомнат уште две шанси: центаршут на Ристевски до Петковски кој биеше во голманот, како и удар на глава од Белиќ по корнерот што го изведе Спировски.
На денешниот меч, битолскиот клуб повеќе ја посакуваше победата, играчите го дадоа свој максимум и успеаја да го контролираат овој важен натпревар. Апатичната игра на АП Брера беше казнета во овој случај, а новите три бода му даваат живот на Пелистер во борбата за опстанок, особено по поразот на директниот ривал Тиквеш од Вардар, во вториот првенствен натпревар одигран денеска во Скопје.
Во следните три кола, битолчани играат клучни мечеви за опстанок против екипите на: Работнички, Шкупи и Арсими.
Фото Пелистер фк/ффм
