Четврта победа за Пелистер во оваа сезона од ПМФЛ, изразена со три гола во мрежата на Шкупи.
Интересно да се напомени е дека за време на мечот во Струга , непосредно по почетокот на второто полувреме, кучето влета на теренот, поточно покрај клупата на Пелистер на што, не’ следеше прекин туку еден од играчите на Пелистер го проследи пријателски кучето кон излезните врати на стадионот.
Битолскиот клуб ја презема иницијативата од самиот почеток, но непрецизноста беше главната одлика на создадените шанси. Здравковиќ успеа да ја затресе мрежата на Шкупи во петтата минута, но голот беше поништен преку ВАР одлука со констатиран офсајд.
Офанзивната игра на битолчани донесе сериозни шанси, првично Спировски во 12 минута, потоа и по проигрувањето на Миленковски и Петковски, со правовремени интервенции на Гроте. Во 20 минута и продорот на Мрмачовски не донесе опасност, првично битолчани сами искомплицираа, за потоа шутот на Марјан да биде лесен плен.
На спротивната страна Шкупи имаше сериозни шанси во акциите од 24 и 28 минута, кои не беа реализирани од Шуку и Муарем, а кои можеа да му дадат сосема поинаков тек на мечот.
Второто полувреме донесе зголемена ефикасност и конечна реализација на шансите во погодоци, со што беше решен и победникот во натпреварот. Пелистер повторно почна офанзивно, првата шанса ја имаше во 47 минута, кога три пати во еден напад се обидоа да поведат, но Булатовиќ, Керим и Ристовски не успеаја да ги совладаат Гроте.
Во следниот напад на спротивната страна сето ова можеше да биде казнето, но голот на Муарем беше поништен поради игра со рака.
Во 58 минута конечно водство за битолчани, во акцијата што ја започна Спировски, а потоа Булатовиќ го проигра Петковски, кој донесе водство. Единствена шанса во овој дел од мечот за Шкупи беше еден шут на Шуку, по корнерот на Рибеиро. На спротивната страна, повторно Спировски од прекин на играта се закани во 73 минута, но беше добиен само корнер. И него го изведе Спировски, а на првата статива Керим само малку ја допре топката, за потоа Ристовски да реализира со глава за 2:0.
Третиот погодок дојде во 81 минута, кога Лука Булатовиќ беше оставен сам на десниот агол од шеснаесетникот, па се одлучи за шут кој го изненади нововлезениот Сефер, со што беа поставени конечните 3:0.
Со новите три бода Пелистер е на десетто место, има вкупно 14 поени и се изедначи со Македонија ЃП, која е деветто пласирана со идентичен учинок, но еден гол подобра гол разлика. Овие два клуба ќе се сретнат во меѓусебен дуел што треба да се игра на теренот на битолчани веќе во сабота на 29 ноември, во натпревар кој може да биде пресуден во борбата за опстанок.
Фото видео МРТ / ФК Пелистер
