Битолчани вечерва прославија 80 години од Фудбалскиот клуб Пелистер на одличен начин со победа над романскиот великан фудбалскиот клуб Динамо Букурешт со 2:0 со головите на Тоадер (автогол), со што Пелистер поведе со 1-0, и капитенот Александар Ристевски кој беше прецизен од белата точка и го постави конечниот резултат 2-0, со што беше прославена јубилејната победа. На клупата исто така дебитира новиот тренер Милан Стојановски.
На стадионот „Петар Милошевски“ во Битола во една одлична атмосфера 40 години од своето постоење прославија и Чкембарите притоа тие се вратија на нивната матична трибина каде долги години беа од самите почетоци.
Почетниот удар го изведе еден од најстарите екс играчи на Пелистер во името на битолчанецот, Власте Мицевски со полни 85 години.
