Македонската заедница во Општина Ешален – Швајцарија на локалните избори кои се одржаа претходниот викенд можи да се пофали со извонреден успех. На листата за советници од „L’entente Échallens“ непартиско политичко движење, успееа сите пет Македонци да бидат избрани за советници кои години живеат и работат во Швајцарија.
Историски успех за македонската заедница во Ешален. На локалните избори сите пет македонски кандидати успеаја да влезат во Советот на општина Ешален, што претставува значаен момент за присуството и учеството на Македонците во локалната политика.
Новите советници, од лево кон десно, се: Драги Митров, Тони Стојанов, Слаџана Пасков, Дејан Златков и Ване Јевтимов -(насловна фотографија).
Овој резултат е доказ за довербата што граѓаните им ја дадоа на кандидатите, како и за активната улога на македонската заедница во општествениот и политичкиот живот на општината.
Искрена благодарност до сите граѓани за поддршката, како и до сите кои излегоа да гласаат – без разлика дали гласаа за нас или не. Вашето учество е најважниот дел од демократијата. – стои во соопштението на МДД „Македонија“ Ешаленс.
