Сочна, мека и ароматична пита со компири, фета сирење и кашкавал – едноставна за подготовка, а одлична и како појадок, ручек или лесна вечера. Највкусна е топла, послужена со малку јогурт или кисела павлака.
Состојки:
- 3 јајца
- 120 г јогурт
- 100 мл масло
- 1 главица кромид
- 3–4 компири (околу 400 г)
- 100 г фета сирење
- 50 г рендан кашкавал
- 230 г брашно
- 1 кесичка прашок за печиво
- сол по вкус
- црн бибер по вкус
- црвен пипер по вкус
Подготовка: Калапот или тавата за печење премачкајте ја со малку масло. Во длабок сад изматете ги јајцата, па додајте го јогуртот и издробеното фета сирење. Мешајте додека смесата се соедини. Додајте ги брашното, прашокот за печиво, ситно сечканиот кромид и зачините. Додајте го и ренданиот кашкавал и добро измешајте. На крај додајте ги компирите исечени на мали коцки. Повторно добро измешајте за сите состојки рамномерно да се распоредат. Истурете ја смесата во подготвениот калап и печете во претходно загреана рерна на 190 °C околу 30–35 минути, односно додека питата убаво не зарумени.
Оставете ја кратко да се излади, па послужете. Питата е особено вкусна додека е топла, кога фета сирењето и кашкавалот се убаво растопени.
Фото: Magnific
Миа
