Еден од најстандарните фудбалери на ‘зелено-белите’ , Александар Ристевски и играч кој од прекин знае да постигне гол пред наптреварот со Арсими со изјава :
– Ова ни е прв натпревар на домашен терен оваа сезона, а дополнителен мотив е вечерниот термин. Арсими е добар тим и сака да се надигрува, но ние очекуваме поддршка од нашите навивачи и полн стадион кој ќе заблеска по неодамнешните инвестиции. За битолската публика сѐ освен три бода ќе биде неуспех, а истото го прифаќаме и ние како играчи. Ветуваме дека ќе го дадеме максимумот, ќе го оставиме срцето на терен и ќе ги освоиме трите бода“.
Од гостинскиот тим која доаѓа од околината на Гостивар поточно селото Чегране со изјава фудбалерот на Арсими , Леонид Игњатов кој вели дека во Битола одат по позитивен резултат.
„Не очекува тежок натпревар против Пелистер. Тоа е екипа со квалитет и силна поддршка од трибините, особено кога игра дома. Имаме голема почит кон нив, но во исто време сме подготвени да се надигруваме и да покажеме што знаеме.Во текот на паузата работевме напорно и веруваме во нашите сили. Целта ни е да одиграме максимално посветено, да ја контролираме играта и да стигнеме до позитивен резултат. Ќе дадеме сè од себе за да ги израдуваме нашите навивачи“, рече Игњатов.
Само за потсетување во изминатите четири кола во ПМФЛ, Пелистер дури трипат беше гости и само еднаш беше на хартија домаќин во Кавадарци поради репрезентативниот меч на Македонија У21 против Италија.
Стартот на натпреварот во Битола е планиран за 19:00 часот и се игра под рефлектори на стадионот “Петар Милошевски”. За сите оние кои се редовни читатели на “Шеталиште” овој пат имаме изненадување и доделуваме 2 билети за натпреварот Пелистер – Арсими по случаен избор.
Се што треба да направите е да коментирате под постот на нашата фан страна на фејсбук со кого сакате вечерва да го проследите овој фудбалскиот меч.
Исто така денес со почеток од 16:00 часот (ВИП Влез), ФК Пелистер организира продажба на дресовите со јубилејното лого 80 години фудбалски клуб и 40 години Чкембари.
