Денес во Гостивар гостин на Арсими му е битолски Пелистер во натпревар од 16-то коло на ПМФЛ.
Пред дуелот фудбалерот на Арсими, Ринор Ајдини со своја изјава за важноста на дуелот против Пелистер:
“Овој натпревар е исклучително важен за нас. Сме во позитивен момент по победите над Шкендија и пред неколку дена против Силекс во Кратово, но тие победи добијат целосна вредност само ако успееме да славиме на овој натпревар. Мора да влеземе концентрирани и без потценување, затоа што Пелистер знае да биде опасен”.
Ајдини по победите над Шкендија и Силекс исто нагласи дека тимот сака да ја затвори полусезоната на најдобар начин:
“Нашата цел е јасна, да ja завршиме полусезоната со победа. Работевме многу и веруваме во нашите сили. Се надеваме дека навивачите ќе бидат со нас, затоа што нивната поддршка ни дава дополнителна енергија”.
Натпреварот Арсими и Пелистер се игра денес со почеток од 13:00 часот на градскиот стадион во Гостивар со пренос на МРТ3.
Стартните 11 за ФК Пелистер.
Фото Арисми фк & фк Пелистер
