Првата фудбалска лига вчера помеѓу Пелистер и Тиквеш донесе натпревар без голови во 11.коло.
Домашниот ФК Пелистер се обиде да ја искористи предноста на домашниот терен во Битола и да има иницијатива, но тоа не резултираше со гол во противничката мрежа. Кавадаречки Тиквеш очигледно беше дојден да се брани и одбранбената тактика им овозможи да заминат непоразени од Битола.
Меѓу ретките акции кои остануваат за спомнување од првото полувреме се полушансата за домашните по шутот на Белиќ во третата минута, како и обидот за контра напад со спречен обид за шут на спротивната страна.
Керим од Пелистер имаше два обида да го донесе Пелистер во водство, еден при крај на првото полувреме, а еден во вториот дел, но многу поопасно делуваше во вториот обид, кога биеше со глава.
Домашниот тим за својата иницијатива можеа да се пофалат со неколку освоени корнери, но иако во вториот дел имаа и огромен посед на топката, ниту од прекините на игра не успеаја да создадат гол шанса.
Мирко Ивановски во најголемиот дел од времето беше покриен или обидите за странични уфрлања на топката во шеснаесетникот не беа прецизни за да стигнат до него, па само еднаш успеа да влета во противничкиот простор по центаршут, но не и да реализира.
Во финишот на вториот дел битолчани се обидоа со влегување на Мрмачовски и Ристиќ да освежат во нападот, но повторно без изработена акција и нафрлени топки кои беа лесни за расчистување или за интервенција на Стевковски.
Меѓу последните шанси се и двата слободни удари кои ги изведе Спировски, а само првиот од нив беше во рамките на голот, но сепак лесен „плен“ за гостинскиот голман.
Недостатокот на квалитет за соло акции или можеби инспирација го остави овој натпревар без голови и додавања без завршница, со многу прекршоци за прекинување на играта. Тиквеш ретко се обидуваше да премине во контра напад и најсериозната шанса можеби ја имаше во судиското продолжување, но и таа замина во неповрат без соодветната прецизност.
Со освоениот бод и двете екипи ги задржаа позициите на табелата Тиквеш 9.место и Пелистер 10.место.
За Пелистер сега календарот носи меч од 12. коло кој треба да се одиграна 5-ти ноември, го пречекуваат Вардар во големото македонско „вечно дерби“ а неколку дена подоцна и дуел со струмичка АП Брера.
На претходниот вчерашен натпревар Шкупи загуби од Струга со (1:2) и сега стружани се лидери пред денешниот дуел на Вардар и Силекс, претходно се одиграа натпреварите: Македонија ЃП – Башкими (1:1) и Арсими – Работнички (2:2).
Денес на распоредот се натпреварите: Брера – Шкендија (13:30 часот) и дербито Вардар – Силекс како последен меч за ова 11-то коло со почеток од 17 часот.
Табела: Струга 26 бодови, Вардар 24, Силекс 21, Шкендија 21, Башкими 19, Брера 15, Македонија ЃП 14, Арсими 12, Тиквеш 9, Пелистер 8, Работнички 7 и Шкупи 1.
Фото ффм/пелистер
