Фудбалерите на Пелистер ја прекинаја црната серија порази и во последниот меч од 9. Коло во Првата македонска фудбалска лига одиграа без голови 0:0 против македонскиот фудбалски шампион Шкендија.
По само неколку денови по поразот на гостувањето во Мадрид од Рајо Ваљекано, во рамките од Лигата на конференции, овој пат тетовци истрчаа под рефлекторите на стадионот Петар Милошевски на денешниот меч во променет состав без најдобрите поединци кои веројатно се изморени од европското гостување.
Битолските зелени во првиот дел беа дефанзивно настроени на нападите од играчите на Шкендија но голманот Јовчевски беше на висина на задачата на голот на Пелистер.
Најголемата шанса за домашните за триумф ја имаше младиот талент на Пелистер, Јован Мрмачовски роден 2008-ма година кој излезе очи води со голманот на Шкендија но тој го одбрани ударот и изнуди кај публиката која на дождливото време во Битола се одлучи да му даде подршка на нивниот миленик и позитивен резултат против Шкендија и нерешен исход прв по 2021-вата година од кога датира последниот нерешен исход помеѓу Пелистер и Шкендија.
Пелистер со овој освоен бод има вкупно 7 и го зазема првото ризично место 10. За враќање во Втората фудбалска лига, додека Шкендија со ремито во Битола е два бода зад лидерот Струга кој има 23 бодови на чело на Македонската фудбалска лига.
Фото:МРТВ/ФК Пелистер /Шкендија фк принтскрин
