Времето во следните денови ќе биде стабилно и топло со пораст на дневната температура, велат од УХМР.
Веќе утре ќе биде сончево со мала до умерена облачност. Попладне, претежно во северните делови ќе има изолирана појава на нестабилност со пороен дожд и грмежи. Ќе дува умерен, наместа повремено засилен ветер од северен правец.
Во Скопје, сончево со мала до умерена облачност. Попладне во делови од котлината ќе има услови за краткотраен пороен дожд и грмежи. Ќе дува умерен, во делови од котлината повремено засилен ветер од северен правец.
Променливото време ќе се задржи до четврток, а потоа ќе биде сончево и сè потопло. Од следната недела, 10 август, барем до 17 август, ќе биде суво и топло со летна жега, вели српскиот аматерскиот метеоролог Марко Чубрило.
– Моментално, промената на времето е видлива само околу 18 август – пишува тој на Фејсбук.
– До четврток, времето ќе бие малку до умерено облачно и претежно суво. Во среда наутро, ослабен студен фронт ќе се движи над северозападниот дел од регионот и ќе донесе привремено зголемување на облачноста, ретка појава на слаб дожд и зголемен северозападен ветер. Попладне, повторно нестабилно на југоистокот од регионот, над другите области суво, но ветровито со зголемен северозападен ветер, а по должината на Јадранското Море со бура – објаснува Чубрило.
Од петок до околу 17 август ќе биде суво и топло, со доминација на антициклон.
– На почетокот на ноќта сè уште ќе биде свежо, а преку ден претежно ќе достигне +32 степени Целзиусови. Од 12 до 17 август ќе има летна жештина со појава на тропски ноќи во урбаните средини кога минималната нема да падне под +20 степени Целзиусови, додека максималните ќе се движат од +32 до +37 степени Целзиусови, ветерот ќе биде претежно слаб – вели тој, додавајќи дека, според сегашните долгорочни прогнози, можна е промена на времето околу 17 август, но засега не може да се знае со сигурност.
