Телеметриската сеизмолошка мрежа на Република Македонија, управувана од Сеизмолошката опсерваторија при Природно-математичкиот факултет во Скопје, рано утрово, на 16 декември 2024 година, регистрираше три земјотреси. Потресите се забележани на различни локации низ државата.
Прв земјотрес: Во 01 часот и 12 минути е регистриран земјотрес со епицентар лоциран на 111 километри југоисточно од Скопје, во валандовското епицентрално подрачје. Тој беше со локална Рихтерова магнитуда од 3,3 МЛ и беше почувствуван во Валандово, Богданци и околните места со интензитет III по Европската макросеизмичка скала.
Втор земјотрес: Во 01 часот и 14 минути се случи уште еден земјотрес со епицентар на 113 километри југоисточно од Скопје, повторно во валандовското епицентрално подрачје. Овој потрес беше со локална Рихтерова магнитуда од МЛ 2,2 и беше почувствуван и во Валандово и околината со интензитет од III по Европската макросеизмичка скала.
Трет земјотрес: Во 01:22 часот во Скопје е регистриран земјотрес со локална Рихтерова магнитуда од ML 2,7. Почувствуван е во Скопје и околината, исто така со интензитет III по Европската макросеизмичка скала.
