Македонија денеска ќе ужива во релативно стабилно време со сончеви периоди, пред најавената промена која доаѓа веќе од утре. Според синоптичарите, времето ќе биде облачно, но со повремени сончеви интервали и слаб до умерен ветер од северен правец, кој ќе биде нешто поизразен долж Повардарието.
Температурите денеска ќе се движат во широк интервал:
Минимална температура: од -2 до 6 степени.
Максимална температура: од 10 до 18 степени.
Во Скопје не очекува слична слика – променливо облачно со сончеви периоди и температура до 15 степени. Ова е идеална можност за прошетка, бидејќи веќе од утре влегуваме во фаза на нова циклонска активност.
Променливото облачно и посвежо време ќе се задржи во текот на целата работна недела. Врнежите ќе бидат пообилни во среда и четврток кога се очекува локално да наврнат и над 20 l/m², а на планините врнежите ќе бидат од снег. Ќе дува умерен, повремено засилен ветер од северен правец. Утринските температури наместа ќе се спуштат и под нула, а дневните во четврток ќе достигнат максимум до 12 степен.
