Градоначалникот на Општина Новаци, Стевче Стеваноски објави соопштение за оваа година за доделување на стипендии за студентите на државните факултети.
“Драги студенти,
и оваа година продолжуваме да ве поддржуваме во вашиот прв чекор кон академскиот живот!
Ќе ја субвенционираме школарината за прв циклус студии за прва година на државните факултети, затоа што веруваме дека знаењето е најдобрата инвестиција за иднината.
Со вас сме на почетокот на оваа важна патека – учењето, развојот и новите успеси започнуваат токму сега. ” – стои во соопштението.
Веруваме дека образованието е најважната инвестиција во иднината – како на поединците, така и на целото општество. Затоа, нашата цел е да создадеме услови секој млад човек да има можност да ги развива своите знаења и вештини, без дополнителен финансиски товар на самиот почеток.
