Две товарни возила се оштетени во пожар што ноќеска избувнал на плац на улицата „Довлеџик“ во Битола, информира Министерството за внатрешни работи.
Според МВР, случајот бил пријавен на 6 јули околу 03:40 часот. Пожарот избувнал на плац во сопственост на правно лице, при што биле опожарени товарните возила „фиат“ и „ивеко“ со битолски регистарски ознаки, сопственост на Н.С. од Битола.
Од огнот била зафатена и бандера со електрична инсталација.
Пожарот бил изгаснат од екипи на Територијалната противпожарна единица Битола, а во инцидентот нема повредени лица.
Увид на местото извршила увидна екипа на СВР Битола. објави Скопје1.мк
