Независната граѓанска иницијатива Поинаку на претстојните локални избори, по трет пат со своја листа на кандидати за советници. Носител на листата е професорот и музичар Миле Трајковски, член и поддржувач на иницијативата од нејзиното основање. На листата се и актуелните советници во Советот на Општина Битола Иван Чулакоски и Алмир Адемоски, а меѓу кандидатите се најдоа и Снежана Василевска, Никола Гаговски, Александар Станковиќ, Филип Илиев.
Листата е составена пред се од млади луѓе, од различни професии, со многу идеи, но пред се со срце кое чука во ритамот на Битола, со желба да си го направат градот поубаво место за живеење и со иста цел : ДА СИ ЈА ВРАТИМЕ БИТОЛА!
Барајќи ја довербата на битолчани во објавата на фејсбук Трајковски напиша:
“Една од моите најголеми желби е да живеам во чист град, функционален, непартиски, град во кој нашите деца ќе бидат безбедни, град во кој ќе останат… Да се биде прв и носител на листа е чест и привилегија, ама да се биде прв е и огромна одговорност. Да се продолжат залагањата кои 8 години ги водеше Поинаку е една од најодговорните работи за кои сум се обврзал во животот. Но, прифаќањето на одговорност и обврска е она што секој од нас мора да го направи за да се избори за подобро место на живеење”.
Независната граѓанска иницијатива Поинаку на овие избори за прв пат и со свој кандидат за градоначалник – Габриела Илиевска.
Фото и текст: ПОИНАКУ
