Пет лица, меѓу кои и еден малолетник, биле лишени од слобода во одделни сообраќајни контроли спроведени на подрачјето на Прилеп и Кривогаштани, откако било утврдено дека управувале мопеди без да поседуваат возачка дозвола.
Според информациите од СВР Битола, на 18 јуни во 13:15 часот во селото Обршани, полициски службеници од Полициското одделение Кривогаштани ги лишиле од слобода А.Е. (18) од селото Воѓани и Б.К. (18) од селото Крушеани. При сообраќајни контроли било утврдено дека двајцата управувале мопеди без да имаат возачка дозвола. објави Скопје1.мк
Истовремено, во Прилеп биле приведени уште три лица. На улицата „Александар Македонски“ во 14:40 часот бил лишен од слобода М.М. (18) од Прилеп, а десет минути подоцна на истата улица бил приведен и 15-годишен малолетник. Во двата случаи било констатирано дека управувале мопеди без положен возачки испит.
Во 15:10 часот во селото Канатларци, прилепско, полициски службеници го лишиле од слобода и Е.И. (38) од истото село, кој исто така бил затекнат како управува мопед без возачка дозвола.
Од полицијата информираат дека по целосно документирање на сите случаи ќе бидат поднесени соодветни поднесоци против лицата. објави Скопје1.мк
