Одлуката на Владата за минималната плата не соодвестува со потрошувачката кошничка на работниците. При носењето на таквите одлуки Владата треба да ги има во предвид синдикатите како претставници на работниците, но и работодавачите вели економскиот аналитичар, Арбен Халили.
Според Халили, трошоците на работникот постојано се зголемуваат но нивните плати стагнираат, компромисно решение е потребно но не еднострано без учество на останати засегнати страни.
Вчера, синдикалците посочија дека Сојузот на синдикати не отстапува од своето барање за минималец од 500 евра – законското усогласување кое го донесе владата за првиот човек на УПОЗ и потпретседател на ССМ, Трпе Деаноски е неприфатливо.Владата првпат откога е воведена минималната плата, во 2012 година, одлучи без работниците.
Папаја за Владата – трошки за народот, срамна одлука за „зголемување на” минималната плата од 1.800 денари, реагираат од СДСМ.
„Но затоа има пари за папаја, манго, лосос, за приватни авиони и непродуктивни трошења на владата и нејзините функционери. За работниците остави трошки и ги остави во сиромаштија. Граѓаните да живета на воздух а владата на манго и папаја. Срамота. Дополнително, за прв пат откако е воведена минималната плата, оваа власт ја донесе срамната одлука за нејзина корекција сама без консултација и без да ги слушне барањата на работниците.“ – вели Кристина Костова потпретседателка на СДСМ.
Претходно, реакција имаа и од Левица од каде потенцираа дека ако Мицкоски ги отфрли барањата на ССМ – Левица ќе го достави предлогот до Собранието и ќе се мобилизира за протестите.
Владата на ставот дека овој износ е утврден согласно законските критериуми за минимална плата и дека одлуката е легитимна.
