Со потпишувањето на договорот за изработка на физибилити студијата за Гондолата на Пелистер, започнува реализацијата на еден од најзначајните туристички проекти за Битола и Пелистерскиот регион.
Проектот има за цел да ја подобри туристичката понуда, да овозможи полесен пристап до природните убавини на планината и да придонесе кон одржлив развој на локалната економија.
Во текот на месец декември ќе следуваат активности за вклучување на сите засегнати страни:институции, експерти и граѓани со цел заеднички да се обликува овој проект и да се дефинираат најдобрите решенија за неговата реализација.
„Овој значаен чекор го отвора патот кон остварување на еден долгогодишен сон за нашиот град. Верувам дека со заеднички ангажман ќе создадеме проект кој ќе биде од трајна вредност за сите граѓани“, истакна градоначалникот на општина Битола, Тони Коњановски.
Проектот за гондолата претставува дел од пошироката визија за развој на туристичката инфраструктура и промоција на Битола како модерен планински и културен центар.
Фото: Фејсбук / Тони Коњановски
