Друштвото на писателите на Македонија со длабока жал извести дека денес, 12 ноември 2025 година, почина истакнатата поетеса, научничка и универзитетска професорка Славица Свидерска. Родена во Битола во 1984 година, Свидерска беше доктор по филолошки науки и лекторка по македонски јазик на Универзитетот „Св. Кирил и Методиј“ во Скопје, како и на Факултетот за странски јазици во Тирана.
Во својата богата кариера остави впечатливо творештво во областа на поезијата, есеистиката и книжевната теорија. Нејзините дела се преведени на повеќе јазици, а нејзиниот поетски глас беше препознаен и наградуван на бројни литературни манифестации во земјава и во странство.
Меѓу нејзините најпознати поетски книги се: „Бесконечност“ (2001), „Писма“ (2012), „Политики на љубовта“ (2015), „Тела“ (2016), „Политики на стравот“ (2021), Golgotha Feminarum (2023) и „Мистичен си свету“ (2025). Авторка е и на значајни научни монографии и есеистички книги, меѓу кои „Книжевноста и дискурсите на моќта“ (2013), „Книжевноста и политичкото насилство“ (2018) и „За смислата и за апсурдот“ (2017).
Погребот на Славица Свидерска ќе се одржи утре, 13 ноември, од 11 до 12 часот на Светонеделските гробишта во Битола.
