Денеска се отвора новата сезона во Лигата на шампионите на УЕФА со првите натпревари од првото квалификациско коло.
Македонскиот шампион Шкендија е во Велс каде ќе се соочи со локалниот првак Д Њу Сеинтс. Поточно, Шкендија е во Англија, во гратчето Освестри близу границата со Велс, од каде што е нивниот вечерашен противник.
Натпреварот почнува во 20:00 часот по македонско, односно 19:00 по локално време, а правдата ќе ја дели ирскиот судија Роб Хенеси.
Директен пренос од натпреварот ќе врши МРТ3.
Шкендија веќе има играно со ТНС и тоа исто така во квалификациите за Лигата на шампионите во сезоната 2018/2019. Тогаш ги елиминираше Велшаните победувајќи ги прво со високи 5:0 во Скопје, за потоа за малку да дозволат чудо губејќи со 4:0 на гости.
Денешни натпревари:
КуС (Финска) – Милсами (Молдавија)
Иберија 1999 (Грузија) – Малме (Шведска)
Ноа (Ерменија) – Будучност (Црна Гора)
Левадија (Естонија) – РФС (Латвија)
Олимпија (Словенија) – Каират (Казахстан)
Дрита (Косово) – Диферданж (Луксембург)
Д Њу Сеинтс (Велс) – Шкендија (Македонија)
Викингур (Фарски О.) – Линколн (Гибралтар)
Егнатија (Албанија) – Бреидаблик (Исланд)
Виртус (Сан Марино) – Зрињски (БиХ)
Утре играат:
Жалгирис (Литванија) – Хамрун (Малта)
ФЧБС – (Романија) – Интер Ескалдес (Андора)
Лудогорец (Бугарија) – Динамо (Белорусија)
Шелбурн (Ирска) – Линфилд (Северна Ирска)
Реваншите се играат наредните вторник и среда.
