По еден месец непрекината работа, утрово од електроенергетскиот систем е исклучен РЕК „Осломеј“. Поволните временски услови и добрата кондиција во која се наоѓаат производствените капацитети на АД ЕСМ, особено РЕК „Битола“, овозможија исклучување на РЕК „Осломеј“ со цел да се интервенира на неколку позиции во термоцентралата.
Во следните неколку недели во „РЕК Осломеј“ планирани се активности за санација на мелници, на кондензатор, издувни канали. Останува отворена и можноста за брзо ставање во функција на термоцентралата во зависност од потребите на електроенергетскиот систем на државата.
Во меѓувреме, со работа продолжуваат сите другите капацитети на АД ЕСМ, со цел до крајот на грејната сезона да се обезбедат сите потребни количини електрична енергија исклучиво од домашно производство.
