Во клиничка болница Битола во новоодишната ноќ имаше три раѓања, првото 50 минути по полноќ, женско која што ќе се вика Миа, второто раѓање беше со царски рез, како и третото.
Првите новороденчиња родени во 2025 година во Битола, во Клиничката болница од кои првороденото бебе е женско, денес ги посети градоначалникот на Битола Тони Коњановски.
Имавме три раѓања. Првото беше 50 минути по полноќ мајката на 25 години, донесе на свет здрава ќерка која што ќе се вика Миа. Во оваа прилика сакам да им се заблагодарам на сите вработени во Гинеколошкото одделение во Битола за посебното залагање во оваа новогодишна ноќ и секако за целосното залагање во изминатата година. Сакам на сите битолчани да им посакам успешна година и да ни биде бериќетна, рече раководителот на одделението за гинекологија при Клиничка болница во Битола, Михајло Вангелов.
Упатувам апел младите да формираат семејства,а тие да бидат многудетни, порача Вангелов.
Градоначалникот Коњановски, честитајќи им на родителите, традиционално им подари подароци на новороденчињата.
И директорката на Клиничката болница, Ненси Лозанче денес на пладне беше во посета на родилките и дежурната екипа која работеше во текот на новогодишната ноќ.
Таа им посака добро здравје на родилките и нивните бебиња, а посака и уште многу бебиња во Битола, а рече и дека новогодишната ноќ поминала добро и нема забележано покракреростични случаи.
-Искрени честитки до родителите. Да имаме што повеќе дечиња и младите да ни останат тука, во Битола. Нека ни е Среќна Новата година, порача градоначалникот на општина Битола, Тони Коњановски.
