Јавното комунално претпријатие „Водовод“ – Битола информира дека денес, 21 ноември 2025 година, е евидентиран прекин во водоснабдувањето во населените места на потегот од Кравари до граничниот премин Меџитлија.
Според претпријатието, поради временските неприлики и поплавените делови на теренот, екипите се соочуваат со потешкотии при пристапот и лоцирањето на дефектот. Од таму додаваат дека интервенцијата може да трае подолго од вообичаено, но работат интензивно на што побрзо нормализирање на водоснабдувањето.
Од ЈКП „Водовод“ – Битола апелираат граѓаните да имаат разбирање и најавуваат дека за сите нови информации ќе информираат навреме.
