Вчера стартуваше 12.коло од Првата македонска фудбалска лига. Арсими го победи Башкими со 4:2.
ФК Пелистер вчера одржаа отворена прес конференција на која присуствуваа: Претседателот Александар Стефановски , капитенот Мирко Ивановски и тренерот Милан Стојановски пред гостувањето на Вардар во Битола.
Нивните изјави пред “Вечното дерби” ги издвојуваме во продолжение. Присуство најавија и гостинските навивачи на ФК Вардар – Комитите.
,,Натпреварот Пелистер – Вардар ќе има хуманитарен карактер. Целиот приход од влезниците (по цена од 200 денари) ќе биде наменет за семејството на прерано починатиот Зоран Петковски.”
,,Целиот управен одбор на ФК Пелистер се вработени во Општина Битола и во ФК Пелистер работат без надомест.”
,,Од доаѓањето на оваа управа клубот сите средства во клупската каса се од спонзорски договори, продажба на билети, продажба на дресови.” – додаде претседателот на ФК Пелистер Александар Стефановски
,,Пријатно сум изненаден од квалитетот на фудбалот во Првата македонска лига.”
,,Јас сум поборник на ВАР системот и мислам дека може да му донесе само добро на македонскиот фудбал.”
,,Видов напредок во натпреварот против Тиквеш за разлика од претходно. Иако ни гостува лидерот Вардар, ние како на секој натпревар играме на победа.” – додаде тренерот на ФК Пелистер, Милан Стојановски
,,Во екипата не постојат поделби, кланови и проблеми. Нормални ситуации се некои реакции кога резултатите не ни се наклонети, но ве уверувам дека тимот е обединет.”
,,Гостувањето на Вардар мотивира, верувам дека гледачите ќе ни дадат поддршка и ќе дојдат во голем број и заради хуманиот аспект на натпреварот.” – изјави капитенот на ФК Пелистер, Мирко Ивановски
Денес се играат: Македонија ЃП – Струга и Работнички – Тиквеш, додека утре е покрај “вечното дерби” и дуелот, Брера – Силекс.
Поради настапот во УЕФА Конференциската лига настапот на Шкендија и Шкупи во Чаир ќе се одигра на 15.ноември.
