Полициски службеници од криминалистичка полиција при СВР Битола вчера во Битола ги лишиле од слобода Б. А. (20), В. Ј. (23), Г. Р. (20), Ј. Д. (20) и еден малолетник, сите од Битола, кај кои при претрес биле пронајдени повеќе пакувања марихуана и дигитална вага, информираат од МВР.
– При претрес во домот на Б.А., извршен со судска наредба, во кој биле затекнати и В.Ј.(23), Г.Р.(20), Ј.Д.(20) и малолетникот, биле пронајдени и одземени повеќе пакувања со марихуана и дигитална вага со остатоци од марихуана, се вели во соопштението од МВР.
Лицата биле задржани во полициска станица и по целосно документирање на случајот, против нив ќе биде поднесена соодветна пријава.
