Во с.Слепче, демирхисарско, полициски службеници од Надворешната канцеларија за криминалистички работи при ОВР Демир Хисар, рано изутрината го привеле В.П.(67). При претрес во неговиот дом и помошни простории во селото, извршен со наредба од Основен суд Битола, биле пронајдени еден пиштол, три пушки, 143 куршуми различен калибар,рамки за куршуми, документи и други предмети за кои постои сомнение дека потекнуваат од кривично дело, соопшти МВР.
Лицето е приведено во полициска станица Демир Хисар и по документирање на настанот против него ќе следува соодветна пријава.
Фото: Пиксабеј
