Полициски службеници од СВР Битола – ОВР Прилеп, вчера во 13:40 часот во Прилеп, ги лишиле од слобода Ф.Ј.(21) и 17-годишник, двајцата од Прилеп, затоа што кај малолетникот била пронајдена и одземена марихуана.
Како што информираат денеска од МВР, со судска наредба бил извршен претрес во домот на Ф.Ј., при што биле пронајдени и одземени марихуана и дигитална вага.
Тие биле задржани во полициска станица и по целосно документирање на случајот, против нив ќе биде поднесена соодветна пријава.
