Претседателот на Фудбалската Федерација на Македонија, господинот Масар Омерагиќ во текот на вчерашниот ден беше во посета на ФК Пелистер во Анталија. Пред битолските зелени, Омерагиќ беше и во работна посета на Тиквеш, како и кај есенскиот шампион, тимот на Вардар во Турција.
За време на посетата беше остварена средба со раководството, стручниот штаб и фудбалерите, при што беа разменети мислења за тековните подготовки и амбициите на клубот. – стои во постот на ФК Пелистер.
Всушност претседателот на ФФМ на фотографијата е со претседателот на ФК Пелистер, Александар Стефановски и помошникот тренер, Вангел Алтипармаковски.
По одложениот натпревар со Железничар вчерашниот, за денес е закажан натпревар со екипата на Борац Бања Лука со почеток од 12:00 часот.
