Во наредните денови времето ќе биде променливо облачно и нестабилно со повремени локални врнежи од дожд. Наместа ќе има услови за појава на грмежи. Ќе дува умерен, повремено засилен јужен ветер, соопшти УХМР.
Минималната темепература ќе биде во интервал од три до 11, а максималната ќе достигне до 25 степени.
Времето утре претпладне ќе биде облачно со повремени локални врнежи од дожд. Попладне променливо облачно со сончеви периоди. Ќе дува умерен, наместа долж Повардарието повремено засилен ветер од јужен и југоисточен правец.
Во Скопје, променливо облачно, претпладне со повремен дожд. Ќе дува умерен, во делови од котлината повремено засилен ветер од јужен и југоисточен правец.
