Во спортскиот центар „Јане Сандански“ – Скопје се одржа Европскиот куп во џудо за сениори 2025.
На турнирот учествуваа 265 натпреварувачи од 31 земја и 3 континенти, што ја прави оваа манифестација една од најголемите спортски случувања во нашиот регион.
Прилепчанката Александра Најдоска од џудо клубот “Сеишин” се пласира на 5-то место во категоријата +78 кг.
Со ова таа успеа да се вброи меѓу најдобрите џудистки на турнирот, што претставува огромен успех со оглед на силната меѓународна конкуренција.
Овој пласман претставува значаен успех и големо искуство за Најдоска, која е дел од генерацијата што го продолжува континуитетот на македонското џудо на меѓународната сцена.
Од истиот клуб учествуваше и Михаил Стојановски кој не успеа да обезбеди пласман на ранг листата.
Скопје пулсираше во знакот на џудото, а поддршката на публиката и заедништвото меѓу македонските натпреварувачи уште еднаш покажаа дека овој спорт има светла иднина во нашата земја.
