Прилеп и оваа година ќе биде домаќин на едно од највозбудливите случувања во регионот – Адреналинското “Tuning Car Show” и изложбата на автомобили, кое ќе се одржи по 17-ти пат и традиционално ќе ги собере љубителите на брзината, моторите и модерниот тјунинг.
Посетителите ќе имаат можност да уживаат во спектакуларна изложба на спортски, олдтајмер и тјунирани автомобили, како и во возбудливи демо-возења, дрифт настапи и мотошоу програми. Настанот секоја година привлекува стотици учесници и илјадници посетители од цела Македонија како и од соседните земји.
Главната порака на ова традиционално шоу останува иста: страст, звук на мотори и љубов кон автомобилите што ги поврзува сите генерации.
Настанот ќе започне од 10 часот па се до 19 часот.
