Прилеп повторно ја покажува својата хуманост. По информациите за проблемите со водоснабдувањето и неисправната вода за пиење во Гостивар, од Прилеп е упатен повик до граѓаните, институциите и компаниите да се вклучат во хуманитарна акција за донирање флаширана вода.
Акцијата ќе се реализира во текот на два дена, а собирниот пункт е поставен на Камената бина на плоштадот „Александрија“.
Почитувани сограѓани,
Во овие моменти, кога жителите на Гостивар се соочуваат со последиците од неисправната вода за пиење, Прилеп уште еднаш има можност да ја покаже својата хуманост и солидарност.
Ве повикувам сите граѓани, институции и компании, во рамките на своите можности, вторник (21 јули) и среда (22 јули), да донирате флаширана вода за пиење. Собирниот пункт е поставен на Камената бина на плоштадот „Александрија“.
Секое донирано шише вода е значајна помош и директна поддршка за семејствата од Гостивар кои во моментов се соочуваат со оваа состојба.
Да покажеме дека Прилеп знае да подаде рака кога е најпотребно и дека заедно можеме да помогнеме таму каде што помошта е најнеопходна. – стои во соопштението на градоначалникот Проданоски.
