Утрово 10 степени во Лазарополе, 11 Берово, 13 Попова Шапка, 14 Битола, Претор, Маврови Анови, 15 Крива Паланка, Тетово, Охрид, Прилеп, Дебар, 16 Крушево, 17 Скопје-Петровец, Струмица, 18 Скопје-Зајчев Рид, Штип, Виница, Велес, 19 Кавадарци, 20 Демир Капија, 21 Гевгелија.
Врнежи од дожд имаше во Дебар каде наврнаа 5 л/м2, 2 во Лазарополе, 1 во Берово.
Во текот на ноќта во најголем дел од земјава времето беше ведро, утрово е сончево, во крајните западни и источни делови со мала до умерена локална облачност. Дува слаб променлив ветер.
Времето денеска променливо облачно и топло со слаб до умерен ветер од јужен правец. Попладне и во вечерните часови на повеќе места ќе биде нестабилно со пороен дожд и грмежи, наместа во форма на невреме со интензивен пороен дожд, грмежи, засилен ветер и појава на град.
Максималната температура ќе достигне од 27 до 35 степени. Во Битола до 33 степени.
