УХМР ги измери температурите утринава до осум часот во градовите низ Македонија.
Најниска температура ова утро има на Попова Шапка каде се измерени 14 степени. Најтопло утринава е во Струмица со 22 степени, по што следи Гевгелија со 21 степени.
Денес времето ќе биде променливо облачно и топло, со повремени сончеви периоди. Во попладневните часови се очекува локална нестабилност проследена со пороен дожд, грмежи и засилен ветер.
На одделни места временските непогоди може да бидат поизразени, со пообилни врнежи и можност за појава на град.
Ќе дува слаб до умерен ветер од променлив правец.
Утринските температури ќе се движат од 10 до 17 степени, додека дневните ќе достигнат меѓу 25 и 31 степен Целзиусов.
