Возрасен планинар од Скопје е пронајден починат кај месноста „Ловечка куќа“ на планината Пелистер. Се прават напори телото да биде префрлено до место каде што може да пристигне возило на Итната помош, известува регионалниот Центар за управување со кризи Битола.
Министерството за внатрешни работи известило дека починатиот планинар е повозрасно лице од Скопје , со иницијали А.С.. Местото каде што било пронајдено лицето било на околу 2.000 метри надморска височина
Центарот за управување со кризи (ЦУК) веднаш ја известил Дирекцијата за заштита и спасување (ДЗС) од Битола која има тим за интервенции во планински услови, за да може телото на починатото лице да биде транспортирано до првото место каде што може да дојде возило на Итна медицинска помош за да го преземе.
