Лесен и вкусен десерт (или појадок) со здрави состојки и прекрасна текстура!
Состојки (две порции):
За кремот:
1 протеински пудинг од ванила
50 мл. грчки јогурт
За гранола:
200 гр. овесни снегулки
2 лажици ленено семе
50 гр. сечкани бадеми
2 лажици мед
1 лажица кокосово масло
1 лажица цимет (по желба)
За сервирање:
Свежо овошје по избор ( боровинки, праски, кајсии итн.)
2 лажици од подготвената гранола
2 лажици џем
гранче нане
Подготовка:
Гранола: Во сад измешајте ги овесните снегулки, лененото семе, сечканите бадеми и циметот.
Додајте го медот и кокосово масло, па со раце или вилушка соединете ги состојките додека не добиете зрнеста смеса.
Распоредете ја смесата на плех обложен со хартија за печење.
Печете ја на 180°C околу 10 минути, или додека не добие златно-кафеава боја, со повремено мешање.
Оставете ја печената смеса да се олади.
Сервирање:
Поделете половина од протеинскиот пудинг во две чаши. Одозгора ставете по две лажици гранола, па прелијте со јогуртот, врз него ставете лажица џем. Посипете со остатокот од пудингот и одозгора прекријте со свежо овошје. Декорирајте со гранче нане.
Послужете веднаш.
Совет:
Остатокот од гранолата чувајте го во стаклена тегла со капак. Ќе ви послужи како вкусен и здрав додаток за јогурт, овошје или други десерти.
Ако сакате и веганска верзија, заменете го пудингот со вегански, а користете растителен јогурт.
